1 iyun, 2017-ci il tarixində AR SN Psixi Sağlamlıq Mərkəzində uşaq və yeniyetmələrin psixi sağlamlığına həsr edilmiş dəyirmi masa keçirilmişdir. Görüşdə dövlət uşaq müəssisələrinin əməkdaşları, Avropa Birliyinin, UNDP nümayəndələri, həmçinin qeyri hökümət təşkilatlarının təmsilçiləri iştirak etmişdir. Iclasda ilk növbədə uşaq və yeniyetmələrin psixi sağlamlığına həsr edilmiş sayt təqdim edildi, ondan istifadə qaydalarının qısa şərhi verildi. Həmçinin uşaq və yeniyetmələrin ailələrilə iş prinsipləri, qanun pozuntusu zamanı hansı addımların atılması gərəkdiyi müzakirə edildi. Layihənin hazırlanması istiqamətində görülən işlər iştirakçılar tərəfindən yüksək qiymətləndirildi.