Psixi Sağlamlıq Mərkəzinin Psixososial Reabilitasiya şöbəsi işçi və pasiyentlərlə birlikdə Mərdəkan Dendrarisinə gəzinti təşkil etdi. Gəzintinin məqsədi ağır psixi pozuntuları olan şəxslərin sosiallaşmasına yardım etməkdir. Bu gəzinti onlara qarşı yaradılmış stiqma və diskriminasiyaya son qoyulması istiqamətində aparılan işlər arasında xüsusi əhəmiyyət kəsb edir. Belə ki, sosial mühitdə zaman keçirən psixi pozuntusu olan şəxslər və ətrfadakı insanlar ünsiyyətdə olmaq şansı əldə edir və onların təhlükəli olmadığı, yardıma ehtiyacı olduğunu daha yaxından anlamaq imkanı əldə edirlər.

Psixi Sağlamlıq Mərkəzində regionlarda psixoloji xidmətin təşkilinə dair treninq təşkil edilmişdir. Treninqdə bölgələrdə-Sumqayıt, Gəncə, Mingəçevir, Şəki, Quba,  Lənkəran, Şirvan şəhərlərində fəaliyyət göstərən psixoloqlar, psixiatrlar, loqopedlər iştirak etmişdir. Mərkəzimizin həkim və psixoloqları psixoloji xidmətin təşkili, həmçinin psixi xəstəliklər və onların müasir müalicə üsulları, reabilitasiya proqramları haqqında təqdimatlarla çıxış etmişdirlər.

PSM-də Ümumdünya Psixi Sağlamlıq Gününə həsr edilmiş tədbir keçirilmişdir. Tədbirdə Ümumdünya Səhiyyə Təşkilatının ölkədaxili ofisinin, Ədliyyə Nazirliyinin, Fövqəladə Hallar Nazirliyinin nümayəndələri, o cümlədən Mərkəzimizin rəhbərliyi və işçi heyəti iştirak etmişdir. Konfransda 2016-cı ildə respublikanın iri tibb müəssisələrində psixoloq ştat vahidlərinin açılması haqqında məlumat verildi.

Tədbir zamanı PSM direktoru Fuad İsmayılov ilkin psixoloji yardımın RAPİD modeli haqqında məlumatla çıxış etdi. Mərkəzin  direktor müavini Rüstəm Salayev Lissabon Universitetinin Psixi sağlamlıq siyasəti, psixoloq Aygün Sultanova Səhiyyə Nazirliyi tərəfindən təsdiq olunmuş psixoloji müayinəyə dair metodik tövsiyələrə dair təqdimatla, psixiatr İkram Rüstəmov Harvard psixi sağlamlıq üzrə təhsil proqramında iştirakına dair məlumatları iştirakçıların diqqətinə çatdırdı.

    PSM-də psixi sağlamlıq sahəsinin müxtəlif mütəxəssiləri üçün uğurlu treninqlər keçirilir. Treninqlər də  nəinki, sağlamlığın  qorunması sistemində işləyən mütəxəssislər, eyni zaman da digər nazirliklərin nümayəndələri də iştirak edir. Bu fəaliyyətin  nümunəsi kimi Fövqəladə Hallar Nazirliyinin  xilasediciləri üçün ilkin psixoloji yardım göstərilməsinə görə aparılan treninqləri göstərmək olar.   Treninqin məlumatları daimi əsasda keçirilir və indiyədək FHN –nin 40-adək əməkdaşı bunda iştirak etmişlər.

ARSN-nin Psixi Saglamlıq Mərkəzinin Reabilitasiya şöbəsinin " Dünya mənim gözümlə "adlı ilk foto sərgisi keçirilmişdir.Sərgidə pasiyentlərin rəsmləri sərgilənmişdir.Sərgidə müxtəlif qonaqlar, KİV mənsubları iştirak etmisdir. Tədbirlərin davamlı keçirilməsi nəzərdə tutulur

Psixi Sağlamlıq Mərkəzinin Reabilitasiya şöbəsinin əməkdaşları və psixososial reabilitasiya proqramının iştirakçıları 20.03.2014-23.03.2012 tarixlərində Içərişəhərdə keçirilən Novruz festivalında iştirak etmişdirlər.